April fool ban gaya

November 2020 k wo haseen din aj bhi mujhe yad hain jab mai Pakistan se wapas Saudi arabia 7 maah ki chutiyan guzar kar pahuncha tha. Ik din mai baitha online kam kar raha tha k facebook par notificate alert aata hy. A usual maine usay ignore kiya Q k mere pas time nhi hota in sab chezon k liye. Mere zahin mein khayal aya k mere kisi donst ne general post ki hogi Q k meri community k jitne bhi log hain wo takreban whatsapp par mujh se rabte mein hote hain. Facebook pr kabhi kisi se bat nhi hoi.

Lekin thori dair baad jab mai free hua aur message check kiya to ik larki ka message tha. main aksar online post wagaira dalta rehta hu k agar kisi ko online kam sekhna ho to mujh se rabta kar sakta hy. Main koi fees nahi leta sikhane ki. is ka maqsad sirf yehi hota hy k agar kisi ka koi question hoga to mai usay answer kar donga aur us ki help ho jayegi aur wo ghr baith kar shaid kuch kama paye aur apni family ko support kar paye. to is silsilay mein mujh se boht se log rabta karte hain aur aksar ko main guide kr bhi deta jb time milta hy. aise hi maine us larki ko reply ki keh mere pas messaging k liye time nhi hy agr kuch pochna hay to call kar lejiye. to us larki ne foran kaha tha hai mai karti hon. us ne mujhe call ki aur kuch question poche.

wo question poch rahi thi aur mera dhiyan uski awaz par tha. Q k ye ik aisi awaz thi k jaise koi 7,8 saal ki bachi ho. mujhe lag raha tha jaise koi larka hy aur us ne voice changer laga rakha hy. mujh se jab raha nhi gaya to maine us se poch hi liya k ap ne voice changer to nahi laga rakha to wo hans pari aur kehne lagi nhi meri awaz aisi hy chote bachon wali magar mai kafi bari hon.ahhaha maine kahan ap kitni bari hain i mean apki age kiya hy to us ne bataya k meri age 27 years hy. uski surely awaz aur us k bolne k andaz ne mjhe uska girweda bana dia. halanke maine usay dekha nhi tha mgr mera dil bar bar mjhe kehta tha k us ki awaz suno. wo kai din mujh se rabte mein rahi aur boht khush ho kar wo bhi mujh se bat karti thi. mai notice karta tha jaise wo mujh se bat kar k boht khushi mehsos karti hai. maine us se uski khushi ka raz to nahi pocha.

Q k agar mai pochta to wo keh deti k aisi koi bat nhi hy magr maine mehsos kiya k wo larki mujh se bat kar k kafi khushi mehsos karti hy. yonhi 1,2 months guzar gay aur mujhe uski adat se banti gai. lekin kahein na kahein mujhe lagta tha jaise wo mjh se sirf isliye bat karti hy ta k mujh se kuch sekh le aur apna career behtar bana sake. magar sach pocho to jab se wo mjh se bat karne lagi tab se maine dosron k liye time nikalna band kar dia. even k main kam bhi chor deta tha jab wo bat karti thi..maine dunia ki har chez ko peche kar dia lekin us se bat zaror karta tha jb bhi wo kehti thi…mere bas mein hota to mai sara din sari rat batein karta magr wo kehti thi k mai din ko thora sa time bat kar sakti hon aur rat ko ap se bat nhi kar sakti. lekin mere dil mein ik hasrat si hoti k kash mai bistar par so kar light off kar k ankehin band kar k us se bat karon. magr mere laakh kehne k bawajood wo yehi keh kar refuse kar deti thi k mai ap se rat ko bat nahi kar sakti. sorry

mere dil mein wo ahista ahista ghusti chali gai aur mjhe uski adat se hone lagi. mai chahta tha k us k bare mein na sochon magar pata nhi Q khayalat apne ap us ko sochne lagte they. halanke maine us ko dekha tak nhi tha mager mere zahin mein ik tasveer si ban gai thi aur mjhe wo dunia ki sb se haseen tasveer lagti thi.

phir wo mere khayalon se mere khabon mein aana shoro ho gai. wo aksar mere khabon mein aa jaya karti thi aur mujhe tang karti thi. kafi dafa mere boht kareeb kar kar khari ho jati thi. yahan tak k us k honton ki khushboo sans k zariye meri sanson mein chali jati thi magar jab mai usay sene se lagane lagta tha to wo mujhe hans k peche dhakeel deti thi aur phr is trah mjhe gusa aane lagta tha aur meri jag ho jati thi. aisa 1 se ziada bar hua. pehli bar to wo mere ghar aai thi aur ham darwaze k pas khare they. aur dosri bar kahein unknown ghar mein ik sofe par baithe they aur maine tangein samne table par rakhi hoi thi to us wo aa kar meri goad mein baith gai thi aur mere dono hath pakar liye they. aur jab mai us k naram o nazuk lips chomne lagta to wo peche hath jati aur hans hans kar mujhe bechain karti.

ye silsila chalta rha aur ik din wo mujh se kehne lagi k mai ap se aj k baad rabta nahi karongi aur whatsapp hamesha k liye off kar rahi hon. maine us se pocha k aisa Q kar rahi ho? Kia tmhare husband aane wale hain ghar ya chutiyon pe ya ab mujh se bat nahi karna chahti aur apni marzi se door hona chahti ho. to us ne kaha k mujhe lagta hy ap se door rehne mein hi bhalai hy aur shaid is trah ap ko jo meri adat par gai hy wo chot jayegi. maine kaha aisa nhi ho sakta. ap ko mai kabhi nhi bholonga. aur mjhe chor kar chali gai to mere dil o demag ko boht bara shock lagega aur mai ye ziadti kabhi nhi bholonga. lekin phr achanak dosre din uska message aya k mai ja rhi hon. ainda bat nhi hogi. ye keh kar us ne foran apni whatsapp off kar di aur maine usya usi waqt reply ki mgr us ne mera message nhi parha jis mein likha tha “mere khabon mein bhi na aana”.

lekin kal 7 april ki rat ko us ne apna promis tor dia aur subah 8 baje ka time tha jab wo mere khab mein aai. mai kia dekhta hu k koi ajnabi sa ghar hy jisay mai nhi janta mgr aise mehsos hota hy jaise wo mera ghar hy. aur mai us mein akela rehta hu. boht hi umda luxury ghar hy. aur achanak mere ghar ki bell bajti hy to mai darwaze par usay pata hon. maine kahan welcome jan.

ap kaise aa gai?
to us ne kaha k mere husband wapas kam pe chale gay hain aur abh mai free hon to isliye ap se milne chali aai. us ne white shirt aur blue shilwar pehni hoi thi. shirt ki button patti bhi blue thi. us ne kaha mai boht thaki hoi hon mai naha k ap se bat karti hon. maine kaha thek hy. to wo nahane chali gai. mai kamre mein bed pe leta T.V dekh reha tha to meri achanak washroom ki traf nazar gai to us ne darwaza band nhi kiya tha aur wo shower k neche khari naha rahi thi aur apne sene ko hathon mein le k sabon se masal rahi thi. uska mou dosri trafa tha. wo nahi janti thi k mai usay dekh raha hu. mere andar boht ziada bechaini si paida ho rahi thi aur is kashmakash mein mujhe achanak nend aa gai aur mai so gaya. jab mai utha aur apne mou pe hath phera to meri beard aur mustache gaib they. maine dekha to mere sath hi meri beard aur mustache k baad pare they. maine dil mein socha ye kaise possible hy keh mere sote hoye mai clean shave ho gaya.

aur mjhe pata bhi nhi chala. phr jb mujhe sahi se hosh aya to andaza hua k jb mai gehri nend so raha tha to us larki ne electric machine se meri beard aur mustache trim ki. Q k usay achi nhi lag rahi thi. tab achanak wo naha k gelay baalon se wo mere pas se guzarne lagi to achanak maine us k sene se kameez ko zor se pakra aur us ka mou khench k apne mou k pas laya aur kahan badtameez ye tum ne kiya hai na? meri beard aur mustache tum ne trim ki hain na? to wo zor zor se hansne lagi. boht zor se kehkahe laga k hansne lagi mou pe hath rakh k. aur mai bhi hansne laga. aur sath hi wo keh rhi thi abhi pyare lag rahe ho. clean shave pyare lagte ho…
ham dono zor zor se hans rahe they k achanak meri ankh khul gai aur mai muskara raha tha. aur muskrate muskrate meri ankhon mein anso aa gay aur mere dil ne kaha tmhare sath april fool hua hy.

aise mehsos hota hy wo meri zindagi ki haseen tareen subah thi jis mein mai apne apko boht ziada fresh mehsos kar raha tha.
aur dil mein sirf ik arman tha aur kuch sawal keh kash wo wapas aa jaye.
kash mere ikhtyar mein hota.
kash wo mere sene pe sari zindagi leti rahe aur yonhi muskrati rahe.

Leave a Reply

Your email address will not be published. Required fields are marked *